پاکستان میں 40 گھنٹے بعد ایکس صارفین کو بڑی خوشی مل گئی

پاکستان بھر میں گزشتہ روز سے غیر اعلانیہ طور پر بند کی گئی ایکس سروس کو بحال کردیا گیا۔

تفصیلات کے مطابق گزشتہ دوپہر سے سوشل میڈیا کی معروف سروس ایکس پاکستان بھر میں بند ہوگئی تھی، جس کی وجہ سے صارفین کو رسائی میں مشکلات تھیں۔

پی ٹی اے یا کسی بھی ادارے کی جانب سے سوشل میڈیا پلیٹ فارم کو بند کرنے کی وجہ بیان نہیں کی گئی تاہم انٹرنیٹ سروسز کی بندش پر نظر رکھنے والی ویب سائٹ ڈاؤن ڈیٹیکٹر نے سروس بند ہونے کی تصدیق کی ہے۔

دوسری جانب پاکستان تحریک انصاف کے رہنماؤں اور حامیوں کا ماننا ہے کہ انتخابات میں دھاندلی کے ثبوت ، شواہد کی ویڈیوز و تصاویر کو روکنے کیلیے ملک بھر میں ایکس سروس کو ڈاؤن کیا گیا تھا۔