راکھی ساونت کا مسلم مداحوں سے نماز کی پابندی پر زور

بالی ووڈ اداکارہ راکھی ساونت نے اپنے مسلمان مداحوں اور پیروکاروں کے نام پیغام میں پانچ وقت کی نماز کی پابندی کی ترغیب دی ہے۔

راکھی ساونت نے کہا کہ نماز کی رکعتوں کی تعداد دیکھ کر گھبرانے کے بجائے ابتدا فرض نمازوں سے کی جا سکتی ہے۔ انہوں نے فجر کی 2، ظہر کی 4، عصر کی 4، مغرب کی 3 اور عشا کی 4 فرض رکعتوں کا ذکر کیا۔

اداکارہ نے اپنے پیغام میں مشورہ دیا کہ جب فرض نمازوں کی ادائیگی معمول بن جائے تو بتدریج سنت اور نفل نمازوں کو بھی معمول کا حصہ بنایا جا سکتا ہے۔

راکھی ساونت کا کہنا تھا کہ نماز کی جانب اٹھایا گیا پہلا قدم بھی اہمیت رکھتا ہے۔ ان کے اس پیغام کے بعد سوشل میڈیا پر صارفین کی جانب سے مختلف ردعمل سامنے آ رہے ہیں۔