سب میرین کیبل میں خرابی، انٹرنیٹ سروس متاثر ہونے کا خدشہ

کراچی: سب میرین کیبل ایس ایم ڈبلیو فور میں خرابی کے باعث پاکستان میں انٹرنیٹ سروس متاثرہونے کا خدشہ ہے۔

مرمت کیلئے ایک ہفتہ درکار ہوگا۔پی ٹی سی ایل کے ترجمان نے بتایا ہے کہ بین الاقوامی کیبل کنسورشیم کی جانب سے سب میرین کیبل کی مرمت کا کام آج شروع کیا جائے گا۔

 مرمتی کام 20 اپریل تک جاری رہنے کا امکان ہے۔مرمتی کام کے باعث ملک بھر میں انٹرنیٹ صارفین کو شام کے وقت سروس میں کمی یا سست روی کا سامنا کرنا پڑ سکتا ہے۔

ترجمان نے کہا کہ صارفین کو ممکنہ پریشانی کے باعث پیشگی آگاہ کیا جا رہا ہے۔