پیٹرول کی فی لیٹر قیمت میں مزید اضافہ، نوٹی فکیشن جاری

پٹرولیم مصنوعات کی قیمتوں میں اضافے کا نوٹیفکیشن جاری کردیا گیا ہے، جس کے مطابق پیٹرول 2 روپے 29 پیسے فی لیٹر مہنگا کردیا گیا۔

تفصیلات کے مطابق اضافے کے بعد پیٹرول کی نئی قیمت 346 روپے 16 پیسے فی لیٹر مقرر ہوگئی ہے، جبکہ ڈیزل کی قیمت میں بھی 1 روپے 11 پیسے فی لیٹر اضافہ کیا گیا ہے۔

ڈیزل کی نئی قیمت 372 روپے 3 پیسے فی لیٹر مقرر کی گئی ہے۔

نئی قیمتوں کا اطلاق 3 ستمبر سے ہوگا۔