14 سالہ محنت کش کیساتھ پیزا شاپ کے مینیجر کی بدفعلی

سرگودھا میں پیزا شاپ پر کام کرنے والے 14 سالہ لڑکے سے مبینہ زیادتی کا واقعہ سامنے آیا ہے، جس پر پولیس نے مقدمہ درج کرلیا۔

مقدمے کے مطابق پیزا شاپ کے منیجر نے مبینہ طور پر کم عمر ملازم کو زیادتی کا نشانہ بنایا اور بعد ازاں اسے جان سے مارنے کی دھمکیاں دے کر فرار ہوگیا۔

پولیس کے مطابق متاثرہ لڑکے کے والد کی مدعیت میں نامزد ملزم کے خلاف مقدمہ درج کیا گیا ہے۔

پولیس کا کہنا ہے کہ متاثرہ لڑکے کا طبی معائنہ کرایا جا رہا ہے، جبکہ ملزم کی گرفتاری کے لیے مختلف مقامات پر چھاپے مارے جا رہے ہیں۔