بھارتی طیاروں کے لیے پاکستانی فضائی حدود استعمال کرنے کی پابندی میں توسیع

پاکستان نے بھارتی طیاروں کے لیے اپنی فضائی حدود کے استعمال پر عائد پابندی میں 24 نومبر 2026 کی صبح 4 بج کر 59 منٹ تک توسیع کردی ہے۔

پاکستان ایئرپورٹ اتھارٹی نے پابندی میں توسیع کا نوٹم جاری کردیا جس کے تحت بھارت میں رجسٹرڈ طیاروں کے علاوہ بھارتی ایئرلائنز اور آپریٹرز کی ملکیت، زیرِ انتظام یا لیز پر حاصل کیے گئے طیاروں کو بھی پاکستانی فضائی حدود استعمال کرنے کی اجازت نہیں ہوگی۔

پابندی بھارتی طیاروں کی فوجی پروازوں پر بھی لاگو ہوگی۔