جنوبی وزیرستان میں سیکیورٹی فورسز کا آپریشن، گیارہ دہشت گرد ہلاک

سیکیورٹی فورسز نے جنوبی وزیرستان کے ضلع وانا کے عام علاقے میں انٹیلی جنس کی بنیاد پر آپریشن کیا، جس کے دوران فائرنگ کے شدید تبادلے میں خودکش حملہ آوروں سمیت گیارہ دہشت گرد مارے گئے۔

آئی ایس پی آر کے مطابق دوران آپریشن ایک ہائی پروفائل دہشت گردی کی کارروائی کو کامیابی سے ناکام بنا دیا۔ شدید فائرنگ کے تبادلے میں دہشت گرد کمانڈر حفیظ اللہ عرف تور حافظ اور 2 خودکش حملہ آوروں سمیت 11 دہشت گرد مارے گئے۔

ہلاک دہشت گردوں سے بھاری مقدار میں اسلحہ اور گولہ بارود بھی برآمد ہوا ہے۔ مارے گئے دہشت گرد ضلع جنوبی وزیرستان میں سیکیورٹی فورسز کے خلاف دہشت گردی کی کارروائیوں اور پولیس کی ٹارگٹ کلنگ میں ملوث تھے۔