پی ٹی آئی کو سخت شرائط کے ساتھ پریڈ گراؤنڈ میں جلسے کی اجازت مل گئی

ڈسٹرکٹ مجسٹریٹ اسلام آباد نے پی ٹی آئی کو دو جولائی کے پریڈ گراؤنڈ جلسے کا این او سی جاری کردیا۔

این او سی، جی ایچ کیو کی پریڈ گراؤنڈ کے حوالے سے اجازت کے ساتھ جاری ایس ایس پی کی رپورٹ کے مطابق عمران کو تھریٹ موجود ہے۔سپریم کورٹ کی ہدایت پر جلسے کے دن اور مقام کا تعین کیا گیا ہےجلسہ کی اجازت صرف پریڈ گراؤنڈ کے مقام کے لیے مشروط ہے۔

این او سی کے مطابق اسلام آباد ہائیکورٹ کے حکم کے مطابق سیاسی جماعتیں امن و امان کے حوالے سے تعاون کرنے کی پابند ہیں آئین کے آرٹیکل پندرہ اور سولہ میں دی گئی گارنٹی کے مطابق اجازت دی گئی ہے۔

این او سی میں کہا گیا ہے کہ پی ٹی آئی کے نمائندہ علی نواز اعوان نے تمام قواعدو ضوابط کی پابندی کی یقین دہانی کرائی گئی ہےجلسہ کے موقع پر ایکسپریس وئے اور مری روڈ کو ٹریفک کے لیے کھلا رکھا جائے گااور جلسہ رات بارہ بجے ختم کرنا ہوگا ۔

این او سی میں جلسہ گاہ میں مسلح افراد داخل ہونے کی اجازت نہیں ہوگی این او سی میں بتایا گیا ہے کہ ریڈ زون کے ایک کلومیٹر کی حدود میں دفعہ 144 نافذ ہے اور پریڈ گراونڈ جلسے کے آرگنائزر تمام قواعد و ضوابط کی پاسداری کرنے کے پابند ہونگے۔

این او سی کےمطابق جلسہ میں ڈیک اور سپیکر کا استعمال قانون کے مطابق ہی ہوسکے گا اورجلسہ آرگنائزر ٹریفک پلان کی پابندی کے لیے تعاون کرنے کے پابند ہونگے۔این او سی میں کہا گیا ہے کہ فول پروف سیکورٹی جلسہ کے آرگنائزر اور اسلام آباد پولیس کی مشترکہ ذمہ داری ہوگی اور جلسہ گاہ میں داخل ہونے والوں کی باقاعدہ سیکورٹی چیکنگ ہوگی۔جلسہ گاہ کے اندر اور باہر سہ سہ ٹی وی کیمرے ہونگے ۔