پیٹرول اور مہنگا ہوگا، موبائل فون ، گاڑیاں ، میک اپ ،اسٹیشنری اور پیک فوڈ آئٹمز بھی مہنگی ہونے کا امکان ہے۔ ذرائع کے مطابق منی بجٹ میں 350 ارب روپے کی ٹیکس چھوٹ ختم ہوگی.
مہنگائی کے ستائے عوام مہنگائی کی نئی لہر کے لیے تیار ہو جائیں۔وفاقی حکومت نے قومی اسمبلی کے حالیہ اجلاس میں منی بجٹ منظور کرانے کا اعلان کر دیا۔ معاشی ماہرین کے مطابق منی بجٹ سے مہنگائی کا نیا طوفان آنے کا امکان ہے۔
ذرائع کے مطابق منی بجٹ میں ایک ہزار700 سے زائد اشیا پر ٹیکس لگے گا۔مہنگا پیٹرول اور مہنگا ہوگا ۔موبائل فون ، اسٹیشنری اور پیک فوڈ آئٹمز بھی مہنگی ہونے کا امکان ہے ۔
منی بجٹ میں 350 ارب روپے کی ٹیکس چھوٹ ختم ہوگی ۔خواتین کے لیے میک اپ کا سامان بھی مہنگا ہو گا۔ لگژری اشیا کی درآمدات پر ٹیکس لگے گا ۔
گاڑیوں پر فیڈرل ایکسائز ڈیوٹی میں ڈھائی اور ٹریکٹرز پر سیلز ٹیکس میں 5فیصد اضافے کا امکان ہے۔امپورٹڈ کپڑوں، جوتوں اور پرفیومز پر کسٹم ڈیوٹی بڑھے گی ۔بچوں کے امپورٹڈ ڈائپرز مہنگے ہوں گے۔
مقامی تیار کردہ اشیاء پر سیلز ٹیکس بارہ سے بڑھا کر17 فیصد کیے جانے کا امکان ہے۔
ذرائع کا کہنا ہےکہ منی بجٹ میں ٹیکس وصولی کا ہدف5 ہزار 829 ارب سے بڑھا کر 6100 ارب کرنے کی تجویز شامل ہے۔ترقیاتی بجٹ میں 50 ارب روپے کی کٹوتی کی جانے کی تجویز بھی منی بجٹ کا حصہ ہے ۔
Loading ...
