پشاور: بین المذاہب ہم آہنگی کونسل کا اجلاس،اقلیتوں کے مسائل فوری حل کی یقین دہانی

پشاور: ایڈیشنل ڈپٹی کمشنر میڈم گل بانو کی زیر صدارت بین المذاہب ہم آہنگی کونسل کا اہم اجلاس۔اقلیتوں کے مسائل کے فوری حل کی یقین دہانی۔

ایڈیشنل ڈپٹی کمشنر میڈم گل بانو کی زیر صدارت بین المذاہب ہم آہنگی کونسل کا اہم اجلاس منعقد ہوا جس میں ایڈیشنل اسسٹنٹ کمشنر عادل وسیم اور منیجر اوقاف سمیت دیگر محکموں کے افسران، ہندو برادری سے کاکا رام، مسیحی برادری سے اگسٹن جیکب، سکھ برادری سے بابا جی گرپال سنگھ،پرویز اقبال، اور فواد اختر نے شرکت کی۔ اجلاس میں شرکاء نے ایڈیشنل ڈپٹی کمشنر کو اپنے مسائل کے بارے میں تفصیل سے آگاہ کیا۔

ایڈیشنل ڈپٹی کمشنرمیڈم گل بانو نے ان کے مسائل کو غور سے سنا اور متعلقہ محکموں و افسران کو مسائل کے فوری حل کے حوالے سے ہدایات جار ی کیں۔انھوں نے کہا کہ اقلیتوں کے مسائل کے فوری حل کے حوالے سے ضلعی انتظامیہ سنجیدہ ہے اوران کے دفتر کے دروازے ان کے لیے ہمیشہ کھلے ہیں۔اس موقع پر مختلف مذاہب سے تعلق رکھنے والے افراد نے ایڈیشنل ڈپٹی کمشنر پشاور کا شکریہ ادا کیا۔