اسلام آباد: ملک بھر میں عالمی وبا کورونا وائرس کے مصدقہ مریضوں کی تعداد 3 لاکھ 27 ہزار63 تک جا پہنچی جبکہ 6,727 مریض انتقال کرگئے اور فعال کیسز کی تعداد 10,235 ہوگئی ہے۔
نیشنل کمانڈ اینڈ آپریشن سینٹر کی جانب سے جاری اعداد وشمار کے مطابق مہلک وبا سے پاکستان کے صوبہ سندھ میں ایک لاکھ 43 ہزار 222، پنجاب میں 102,467 ،بلوچستان میں 15,791 خیبرپختونخواہ 38,923، گلگت بلتستان میں 4,148، اسلام آباد میں 18,764 اور آزاد کشمیر میں 3,748 مریضوں میں وائرس کی مصدقہ تصدیق ہوئی ہے۔
سندھ میں کورونا وائرس سے 2,594 پنجاب 2,334، خیبرپختونخوا 1,268، اسلام آباد 207، گلگت بلتستان 90، بلوچستان 148 اورآزاد کشمیر میں 86 اموات ہوئیں جبکہ 3 لاکھ 10 ہزار 101 افراد مہلک وبا سے مکمل طور پرصحتياب ہوچکے ہیں۔
ملک بھرمیں اب تک 42 لاکھ 35 ہزار 329 ٹیسٹ کیے جاچکے ہیں، گزشتہ 24 گھنٹوں میں کورونا کے 31 ہزار 9 ٹیسٹ کے دوران 847 نِئے کیسز رپورٹ ہونے کے ساتھ ساتھ 12 اموات ہوئیں جبکہ ملک بھرمیں اس وقت 586 مریض تشویشناک حالت میں ہیں۔
