سجل سے طلاق کے بعد احد کس اداکارہ سے شادی کرنے جارہے ہیں؟ تہلکہ مچ گیا

معروف اداکار احد رضا میر اور اداکارہ رمشا خان کی دوستی سے بڑھ کر ایک دوسرے میں دلچسپی سے متعلق باتیں کی جارہی ہیں۔

میڈیا رپورٹ کے مطابق احد رضا میر اور رمشا خان نے گزشتہ سال رمضان میں ایک ساتھ سیریل میں کام کیا تھا، میڈیا رپورٹس کے مطابق اس دوران  بھی اِن میں بہترین دوستی دیکھی گئی تھی۔

مذکورہ فنکاروں سے متعلق افواہوں کی وجہ رمشا خان کا ایک انٹرویو بن رہا ہے،گزشتہ دنوں اپنے ایک انٹرویو میں اداکارہ  کی جانب سے احد رضا میر کی خوب تعریفیں کی گئی تھیں۔

اداکارہ کا اس انٹرویو میں احد کے لیے کہنا تھا کہ ’احد رضا میر ایک سچا اور شریف آدمی ہے، احد ایک بہترین ساتھی اداکار ہے‘۔

یاد رہے کہ احد رضا میر معروف اداکارہ سجل علی کے سابق شوہر ہیں جبکہ رمشا خان سے متعلق اس سے قبل اداکار بلال عباس سے بھی قریبی تعلق ٹوٹنے کی خبریں سامنے آ چکی ہیں۔