پشاور:وزیر ریلوے اعظم سواتی نے میڈیا سے گفتگو کرتے ہوئے بتایا کہ آج تک ریلوے کو ایک اعشایہ دو ٹریلین روپے دیئے، آج بھی چھ ماہ میں بیس ارب روپے کا نقصان کیا ہے۔
انھوں نے بتایا کہ پچاس سال سے خسارے میں چلنے والے محکمہ کو قابل منافع بنائیں گے، کوئی زمین نہیں بیچیں گے، قبضہ مافیا ریلوے افسران اور پولیس کے ذریعے قبضے کرتے آرہے ہیں، اب قبضہ مافیا کو نہیں چھوڑیں گے۔
انکا مزید کہنا تھا کہ ریلوے ملازمین پانچ سے سات سو ملین اوور ٹائم لے رہے ہیں، اوور ٹائم کے لئے افسران کو رشوت دی جاتی ہے،۔۔ اب کسی کو اوور ٹائم نہیں لینے دونگا،ریلوے ملازمین کو کچی جھونپڑیوں سے نکال کر ہائی رائیز بلڈنگز میں منتقل کرینگے۔ چھ ماہ میں خسارہ ختم کرینگے۔ ریلوے کی رگوں میں خون نہیں رہا،یونین کو بلیک میلنگ نہیں کرنے دونگا۔
سیاسیت پر بات کرتے ہوئے وزیر ریلوے کا کہنا تھا کہ اب چور اور چوکیدار کا گٹھ جوڑ نہیں ہوسکتا، سینٹ سے ہارس ٹریڈنگ ختم ہوگی، پاکستان میں میرا کوئی کاروبار نہیں۔ اپوزیشن کا اللہ بیڑا غرق کرے ملک کو لوٹا ہے۔ مولانا فضل الرحمان کے بھائی کو سینٹ ٹکٹ کے لئے کوئی گاڑی نہیں دی۔ تمام جماعتوں کو فنڈز کی ضرورت ہوتی یے۔
