اسلام آباد: جاپانی وزیر اعظم کے خصوصی مشیربرائے امور خارجہ سونورو کونتورونے آرمی چیف جنرل قمر جاوید باجوہ سے ملاقات کی ہے جس میں علاقائی سیکیورٹی کی صورتحال پر بات چیت کی گئی۔
پاک فوج کے تعلقات عامہ کے شعبے آئی ایس پی آر کے مطابق جاپانی وزیراعظم کے خصوصی مشیر برائے امور خارجہ سونورو کونتورو نے جی ایچ کیو کا دورہ کیا جہاں انہوں نے آرمی چیف جنرل قمر جاوید باجوہ سے ملاقات بھی کی جس میں باہمی دلچسپی اورعلاقائی سیکیورٹی کے صورتحال پر بات چیت کی گئی۔
ملاقات میں دوطرفہ تعلقات کو مزید وسعت دینے کے عزم کا اعادہ بھی کیا گیا۔آئی ایس پی آر کا مزید کہنا تھا کہ ملاقات میں خطے میں امن اور سیکورٹی ک وسعت دینے پر اتفاق کیا گیا جبکہ جاپانی وزیراعظم کے مشیر نے خطے میں پاکستان کے مثبت کردار کو تسلیم کیا
