کراچی(کورٹ رپورٹر) سیشن عدالت شرقی نے تحریک انصاف کے مستعفی رکن قومی اسمبلی عالمگیر خان کیخلاف ریاستی اداروں کیخلاف اشتعال انگیزی سے متعلق مقدمے میں عبوری ضمانت منظور کرلی۔
کراچی سٹی کورٹ میں جوڈیشل مجسٹریٹ شرقی کی عدالت کے روبرو گلشن اقبال تھانے میں ریاستی اداروں کیخلاف اشتعال انگیزی کے مقدمے میں پی آتی آئی کے مستعفی رکن قومی اسمبلی عالمگیر خان کی درخواست ضمانت پر سماعت ہوئی۔
عدالت نے عالمگیر خان کی ایک لاکھ روپے کے مچلکوں کے عوض عبوری ضمانت منظور کرلی۔ عدالت نے پویس کو عالمگیر خان کی گرفتاری سے 28 مئی تک روک دیا۔ عدالت نے عالمگیر خان کو پولیس تفتیش میں شامل ہونے کا حکم دیدیا۔ عدالت نے درخواست پر پراسیکیوشن اور تفتیشی افسر سے 28 مئی تک جواب طلب کرلئے۔ پولیس کے مطابق عالمگیر خان کے خلاف گلشن اقبال تھانے میں ریاستی اداروں کی خلاف اشتعال انگیز ی کا مقدمہ درج ہے۔
Loading ...
