لندن: پاک انگلینڈ سیریز سے قبل برطانوی حکومت نے بڑا فیصلہ کرتے ہوئے تماشائیوں کو اسٹیڈیم کا رخ کرنے کی اجازت دے دی ہے۔
برطانوی میڈیا کے مطابق برطانوی حکومت نے کھیلوں کی سرگرمیوں کی بحالی کے لیے بڑا فیصلہ کرتے ہوئے پاک انگلینڈ سیریز سے قبل شائقین کو اسٹیڈیم آنے کی اجازت دے دی ہے۔
جولائی 26 اور 27 کو سرے اور مڈل سیکس کے دوستانہ کاؤنٹی میچز میں شائقین کی کم تعداد کو اسٹیڈیم آنے دیا جائے گا۔
اس حوالے سے انگلش کرکٹ بورڈ کے مطابق آزمائشی طور پر رواں ماہ سے شائقین کی محدود تعداد کو اسٹیڈیم آنے کی اجازت دی جائے گی۔
رواں ماہ کے آخر میں 26 اور 27 جولائی کو سرے بمقابلہ مڈل سیکس دوستانہ کاؤنٹی میچز میں شائقین کی کم تعداد کو اسٹیڈیم آنے دیا جائے گا۔
انگلش کرکٹ بورڈ نے حکومت کی جانب سے شائقین کی اسٹیڈیم واپسی کی اجازت کو خوش آئند قرار دیتے ہوئے کہا ہے کہ کرکٹ کی محفوظ واپسی کے لیے حکومت کے ساتھ مل کر کام کیا ہے۔
امکان ظاہر کیا جا رہا ہے کہ پاک انگلینڈ کرکٹ سیریز کے دوران تماشائیوں کو اسٹیڈم میں آنے کی اجازت مل جائے گی۔
