ایشین انفراسٹرکچر انویسٹمنٹ بینک سے 50کروڑ ڈالر موصول

اسلام آباد: ایشین انفراسٹرکچر انویسٹمنٹ بینک کی جانب سے پاکستان کو500ملین ڈالرکی مالی معاونت موصول ہوگئی۔

وزیر خزانہ سینیٹرمحمد اسحاق ڈار نے اپنے ٹویٹ میں کہاکہ ایشین انفراسٹرکچر ڈویلپمنٹ بینک کے بورڈ کی منظوری کے بعد بینک نے 50 کروڑ ڈالر پروگرام فنانسنگ کے تحت سٹیٹ بینک آف پاکستان کو منتقل کردیئے ہیں۔

وزیرخزانہ اسحاق ڈار نے ٹویٹ میں لکھاکہ رقم ایشین انفرا اسٹرکچرانویسٹمنٹ بینک سے قرض کی مد میں ملی جس کیلئے معاہدے پر دستخط شرم الشیخ میں ہوئے تھے۔

ایشین انفراسٹرکچر ڈویلپمنٹ بینک نے بریس ترقیاتی پروگرام کے تحت پاکستان کیلئے 500 ملین ڈالر کی مالی معاونت کا اعلان کیا تھا۔ بورڈ کی منظوری کے بعد مذکورہ رقم پاکستان کو موصول ہوگئی ہے۔

وزارت خزانہ کے ترجمان نے کہا ہے کہ 500ملین ڈالر کی منتقلی کے بعد پاکستان کے زرمبادلہ کے ذخائر میں اضافہ ہوگا۔

رواں ماہ کے شروع میں وزیر خزانہ نے کہا تھا کہ پاکستان ترقیاتی پروگرام کیلئے کو فنانسنگ کے طور پر فنڈز وصول کرے گا۔